कुँद की कली सी दँत पाँति कौमुदी सी दीसी

कुँद की कली सी दँत पाँति कौमुदी सी दीसी ,
बिच बिच मीसी रेख अमीसी गरकि जात ।
बीरी त्योँ रची सी बिरची सी लखै तिरछी सी ,
रीसी अँखियाँ वै सफरी सी त्योँ फरकि जात ।
रस की नदी सी दयानिधि की न दीसी थाह ,
चकित अरी सी रति डरी सी सरकि जात ।
फँद मे फँसी सी भरि भुज मे कसी सी जाकी ,
सी सी करिबे मे सुधा सीसी सी ढरकि जात ।
हाय-हाय ब्रज-गोपिन,सी-सी निकलत मुख सौं
रूप राशि पर नंदलाल को ब्रह्मांड भी ढरकि जात!