आज भोर में सखियन ने स्यामा स्यामसुंदर जु की मंगला छबिन कू कछु भिन्न निरख्यौ और धीर अधीर हुईं जब दृगन भर छबि कौ अबलोकन करन धांई तो याकै मुखन तैं हांसि कै फुह्बारे और अखियन सौं नेह छूटि रह्यौ।
हुओ कुछ यों कि आज स्यामसुंदर राधेरानी सौं मुख फेरै बैठौ है ज्यूं अतिहि मान करौ हौं राधै सौं और राधै याकी यो रंगभरि भोरि छब तें बलिहारि जाए रही !सम्पूर्ण रात्रि यानै छिनहु की नांई रसभींजि बिताए दी और भोर भई ते मुखन यों फुलाए लियो जित भोर तें कोए बैर भयो कि काहे भोर तनिक सी जल्दी भई।
स्यामा जु अद्भुत रसपगी रसभीनि अट्ठकेलि करतीं प्यारे स्यामसुंदर नै मनाए रहीं पर यापै तौ यों ब्यापै ज्यूं प्रीत कौ रंग गहरो चढ़यौ।
सखियन या छबि अबलोकि तें जानि यो स्यामसुंदर तनिक राधारूप रसरंग में आज ऐसो रंग्यौ ज्यूं स्यामसुंदर ना है !स्वै कू राधा ही समुझै री !
अब राधेरानी कब सौं मनाए री पर यो राधा पै तो कोए असर ही ना होय !
सखियन यौ छबि निरख निरख हांसि और उधर राधेरानी मोहिनिप्रिया कू या छबिन तें बलि बलि जाए यातै सहचरनि बन सेबासुख चाहै !ऐसी बाँकि चितबन तै बलिहारि बारि !
सांचि कहूँ !दोऊ सुंदर स्याम स्यामा परस्पर सुख हेत अभिन्न होवै ते भी कबहूं कबहूं सहचरनि रूप धर परस्पर कौ सेबासुख चाहैं और कबहूं राधा तें कबहूं स्याम रस मगै सखिन कू सुख देय कै सुख में डूब जातै !
अद्भुत रसपगी प्रीतिनहु रसिकन बिनू कोऊ समझि सकै ना !!
॥ युगल स्तुति ॥ जय राधे जय राधे राधे, जय राधे जय श्री राधे। जय कृष्णा जय कृष्णा कृष्णा, जय कृष्णा जय श्री कृष्णा॥ श्यामा गौरी नित्य किशोरी, प्रीतम जोरी श्री राधे। रसिक रसिलौ छैल छबीलौ, गुण गर्बीलौ श्री कृष्णा॥ रासविहारिनि रसविस्तारिनि, प्रिय उर धारिनि श्री राधे। नव-नवरंगी नवल त्रिभंगी, श्याम सुअंगी श्री कृष्णा॥ प्राण पियारी रूप उजियारी, अति सुकुमारी श्री राधे। कीरतिवन्ता कामिनीकन्ता, श्री भगवन्ता श्री कृष्णा॥ शोभा श्रेणी मोहा मैनी, कोकिल वैनी श्री राधे। नैन मनोहर महामोदकर, सुन्दरवरतर श्री कृष्णा॥ चन्दावदनी वृन्दारदनी, शोभासदनी श्री राधे। परम उदारा प्रभा अपारा, अति सुकुमारा श्री कृष्णा॥ हंसा गमनी राजत रमनी, क्रीड़ा कमनी श्री राधे। रूप रसाला नयन विशाला, परम कृपाला श्री कृष्णा॥ कंचनबेली रतिरसवेली, अति अलवेली श्री राधे। सब सुखसागर सब गुन आगर, रूप उजागर श्री कृष्णा॥ रमणीरम्या तरूतरतम्या, गुण आगम्या श्री राधे। धाम निवासी प्रभा प्रकाशी, सहज सुहासी श्री कृष्णा॥ शक्त्यहलादिनि अतिप्रियवादिनि, उरउन्मादिनि श्री राधे। अंग-अंग टोना सरस सलौना, सुभग सुठौना श्री कृष्णा॥ राधानामिनि ग
Comments
Post a Comment