Bhav 31 10 2015

पग से लिपटी रहूँ श्यामा जु संग
झांझर का नुपुर बन संग नाचती रहेय
नित प्रति प्रेम केलि विलास रमण करेय
सखियन के सेवा रस को शीश धरेय
श्री जी सामीप्य सानिध्य रस में प्रीतरस में कलकल भये
कछु भाव सेवा से युगल अधरन पर मुसुकानी होय
ऐसो आशिष सखीयन कुँजन को पावत रहेय

श्यामा पद रज मांग भरो री सखी
श्यामाश्याम युगल वरण करो री सखी

पद बिसरे जिन पल छिन
नातो  रहे शवासन से पद बिन

मन को युगल पद वास रहे
तन की न निज प्यास रहे

युगल सेवा को भाव रहे
प्रियाप्रितम मिलन को चाव रहे

स्वामिनी सहज कृपा की कोरी
देखत सुनत न जानत पापिन कु
निज कर उठावे अंकभर बेठा वे
मधुर माधुरी कर कमलन सूं
लाड करत अति मधु बतियावे

भाव न जाणु आखर न जाणु
दोउन आस बिन कछु जीवन न जाणु

ऐरी ओ श्यामा ।।

निज निर्बल बावरी नव मञ्जरी
पुकारत अति धीर थिर अधरन बोरी
संग संग राखियो ।
तनिक न बिसारियो ।
जगत रंग बहु भये
एक हित चटक कुसुमल बरसाइयो
जोरन मेरो लगाये कबहू हार गई
काज सब भये सु नयनन की कोरी
करत करुणा किरपा किशोरी
पतितन को ताज आप ही हटाइयो
तनिक लाड को पयासो हिय
निज पद धर राखियो ।

भाव भीनी बौछारन होय
तनिक तेज बदरिया से काहे झान्कत

नवनीत चित सु नव नव रस माधुरी पथ खुले है
सबन राग सहज त्यागन सूं प्रेम राग बहे है

अति कोमल पथ है
थम थम चलो री
नित होवे केलि रस
अधरन न खोलो री

जबहु मिले प्रियाप्रीतम संग रसिलि सखीयन
भाव मन ललित सु करत नेह रस सेवन

अब नित बाराती घराती सो चाव है
नित नव रस सु दुल्हादुल्हिनी को ब्याव है

सुख सुख कहत जीवन साँझ भई
अबहु न पायो निमिष सुख जडता न गई

नित युगल सुख को सहज सरल स्वीकार करणो है
सुख की अब तनिक छाँट में न रमणो है
लाल सुख लाली सुख अबहु मम जीवन सुख होनो है