श्री पदकंज सेवा

श्री पदकंज सेवा

पंकज सुमन प्रिय छब निरख हिय हरषत

प्रेम मिलन नित श्रीप्रिया संग पी निरत रहत

ललित सेवत कंज पद माधुरी सु रस सुहत

मधुर मुदित अरबिन्द युगल अधरन खिलत

सिहर रही स्यामा श्याम-प्रेम-आलिंगन पावत

नैन झपक रसीली सुकुमार सेवा रसमाधुरी करत

मोहन जानि पंकज अतिसुकुमुल स्नेह सहलाय छुवत

रसराज छबीलीपद चाकरी सुविनय सखियन सु मांगत

ललित संग सखियन मुग्ध भई युगलप्रेम-भावरस पिबत

प्रिया मगन भई पग छुवत तरंग-स्पंद भंग काहे करत

युगल नयन द्वय कल्लोलिनी कालिन्दी कपोल रस पीवे बहत

भुवनपति पुनि-पुनि करबद्ध प्रेमाकुल किशोरी सु अरदास करत

मकरंद लाल पग दरस नैनन पुनि पुनि कालिन्दी झरत

ललित युगल प्रीत पावत वृंद-किंकर अनुपम प्रमुदित हरषत

रसिक शिरोमणी थिर-थिर चरणमय जलज कर सु छुवत

ललित परस भंद होय अरविन्द सु अरविन्द मिलत

श्री तरंग आह्लाद भीतर रोम-रोम पूरण भये नाचत

देवादिक दुर्लभ प्रीत दरस पावत ललित नैन बरसत

संग पाय कछु-कछु नैन प्रिया मुंदी मुंदी झरत

पद सेवा पाय हरषे पुलक-पुलक अधर महकत

तनिक झिझक किशोरी तनिक हरष तनिक रोवत

काहे सलोने रस रसिकेश्वर रसराज चरण छुवत

प्रियतम सुख पाय जाही विधि सु प्रिय लागत

श्याम तव सुख काज धरम इक राधिका धरत

इक होत ,दुई होत ,दुई होत स्यामस्यामा पुनि इकहिं होवत

"तृषित" मलिन ,  युगल-दरस याचना पल-विपल रोवे-रोय करत 
सत्यजीत "तृषित"